No 2019 participa na creación do videoclip de animación «Semillas» de Tremenda Jauría, xunto con Cristian F. Caruncho e Illa Bufarda.
Ao rematar os seus estudos asina un par de proxectos: «Os berros da motocicleta», en colaboración con Kiko da Silva e «O derradeiro libro de Emma Olsen», baseado na novela homónima de Berta Dávila, e publicada pola Editorial Galaxia no 2020.
Neste mesmo ano tamén colabora co guionista Fernando Llor, na elaboración da BD sobre o Armadiña Rock «O último festi».
Tamén no 2020 fai traballos de storyboard para a serie de televisión “La casa de Papel”.
En 2021 gaña o premio de banda deseñada o Garaxe Hermético, con «Nerea e o príncipe da Sorte», un traballo con guión de Miguel Rojo e publicado pola editorial Xerais.
No mesmo 2021 ilustra o poemario de Manel Monteagudo "Mar e Vento" (Galaxia,2021).
Dende fai anos colabora en proxectos vinculados á loita pola igualdade, como a asociación feminista FestiVal das Brétemas ou SOS Racismo Galicia
