Pablo Prado
Pablo Prado
▶
▶
Pablo Prado
Pablo Prado
Nacín en Ourense no 1987, pero crieime na bretemosa vila de Ponteareas.
Durante a miña adolescencia o debuxo axudoume cara o exterior, divertídome mentres caricaturizaba as miñas amizades e mestres. Pero tamén cara o interior, como unha sorte de "autoterapia", permitíndome plasmar nun papel emocións que me sobrecollían e non daba posto en palabras.
No 2009 licencieime en Comunicación Audiovisual, pois interesábame moito a idea de contar historias con imaxes. 
De seguido coñecín grandes e pequenas historias traballando durante 3 anos no Arquivo fotográfico Pacheco de Vigo, baixo a direción de Vitor Vaqueiro.
No 2013 continuei investigando o patrimonio audiovisual galego, colaborando na creación do Arquivo histórico online da CRTVG "pasouoquepasou".
No 2016 decido dar un cambio de rumbo pois caio na conta de que como a miña paixón segue a ser o debuxo, ben podo combinar o aprendido no mundo audiovisual con esta faceta e o meu gusto pola lectura de BD, apuntándome á escola profesional de cómic e ilustración de Pontevedra "O Garaxe Hermético" de Kiko da Silva.
Ao pouco comezo a facer traballos de humor gráfico e caricatura para varios xornais galegos, como as miñas tiras mensuais "Riña&Mor" e "Chascarraschás" para o Novas do Eixo Atlántico, co que colaborei durante case 5 anos.

No 2019 participo na creación do videoclip de animación «Semillas» para o grupo musical Tremenda Jauría, xunto con debuxante Cristian F. Caruncho e a produtora creativa Illa Bufarda.

No 2020, ao rematar no Garaxe, asino un par de novelas gráficas: «Os berros da motocicleta» (Deputación de Pontevedra, 2020), guionizada por Kiko da Silva e «O derradeiro libro de Emma Olsen» (Editorial Galaxia, 2020), baseada na novela homónima de Berta Dávila, coa que nos concederon o Premio FOLLAS NOVAS 2020 na categoría de "Banda Deseñada". Tamén no 2020, colaboro co guionista Fernando Llor nun cómic promocional para o festival de música "Armadiña Rock" de Combarro, coa BD "O último festi" e traballo de storyboard para o capítulo 4 da 5ª temporada da serie de televisión “La casa de Papel” (Netflix), baixo a direción de Alex Rodrigo.

No 2021, o guionista Miguel Rojo e eu, gañamos o premio Xerais de BD co cómic infantil «Nerea e o príncipe da Sorte» (Editorial Xerais, 2021). Ao mesmo tempo, ilustro o poemario de Manel Monteagudo "Mar e Vento" (Galaxia Editorial, 2021) e colaboro no cómic colectivo guionizado por Fernando Llor "Octobriana & los Vengadores Soviéticos contra el Capitalismo Nuclear" (Cósmica Editorial, 2021).

Entre o 2021 e o 2022 tamén colaboro en varias BD colectivas sobre memoria histórica galega, para a Deputación de Pontevedra: "A illa de San Simón", "Florencio", "As nove cruces". 

No 2023 publicarei co guionista David Braña un cómic histórico titulado "A batalla de Rande" en galego para Galaxia Editorial e en castelán para a Editorial Cascaborra.

Pablo Prado
Nacín en Ourense no 1987, pero crieime na bretemosa vila de Ponteareas.
Durante a miña adolescencia o debuxo axudoume cara o exterior, divertídome mentres caricaturizaba as miñas amizades e mestres. Pero tamén cara o interior, como unha sorte de "autoterapia", permitíndome plasmar nun papel emocións que me sobrecollían e non daba posto en palabras.
No 2009 licencieime en Comunicación Audiovisual, pois interesábame moito a idea de contar historias con imaxes. 
De seguido coñecín grandes e pequenas historias traballando durante 3 anos no Arquivo fotográfico Pacheco de Vigo, baixo a direción de Vitor Vaqueiro.
No 2013 continuei investigando o patrimonio audiovisual galego, colaborando na creación do Arquivo histórico online da CRTVG "pasouoquepasou".
No 2016 decido dar un cambio de rumbo pois caio na conta de que como a miña paixón segue a ser o debuxo, ben podo combinar o aprendido no mundo audiovisual con esta faceta e o meu gusto pola lectura de BD, apuntándome á escola profesional de cómic e ilustración de Pontevedra "O Garaxe Hermético" de Kiko da Silva.
Ao pouco comezo a facer traballos de humor gráfico e caricatura para varios xornais galegos, como as miñas tiras mensuais "Riña&Mor" e "Chascarraschás" para o Novas do Eixo Atlántico, co que colaborei durante case 5 anos.

No 2019 participo na creación do videoclip de animación «Semillas» para o grupo musical Tremenda Jauría, xunto con debuxante Cristian F. Caruncho e a produtora creativa Illa Bufarda.

No 2020, ao rematar no Garaxe, asino un par de novelas gráficas: «Os berros da motocicleta» (Deputación de Pontevedra, 2020), guionizada por Kiko da Silva e «O derradeiro libro de Emma Olsen» (Editorial Galaxia, 2020), baseada na novela homónima de Berta Dávila, coa que nos concederon o Premio FOLLAS NOVAS 2020 na categoría de "Banda Deseñada". Tamén no 2020, colaboro co guionista Fernando Llor nun cómic promocional para o festival de música "Armadiña Rock" de Combarro, coa BD "O último festi" e traballo de storyboard para o capítulo 4 da 5ª temporada da serie de televisión “La casa de Papel” (Netflix), baixo a direción de Alex Rodrigo.

No 2021, o guionista Miguel Rojo e eu, gañamos o premio Xerais de BD co cómic infantil «Nerea e o príncipe da Sorte» (Editorial Xerais, 2021). Ao mesmo tempo, ilustro o poemario de Manel Monteagudo "Mar e Vento" (Galaxia Editorial, 2021) e colaboro no cómic colectivo guionizado por Fernando Llor "Octobriana & los Vengadores Soviéticos contra el Capitalismo Nuclear" (Cósmica Editorial, 2021).

Entre o 2021 e o 2022 tamén colaboro en varias BD colectivas sobre memoria histórica galega, para a Deputación de Pontevedra: "A illa de San Simón", "Florencio", "As nove cruces". 

No 2023 publicarei co guionista David Braña un cómic histórico titulado "A batalla de Rande" en galego para Galaxia Editorial e en castelán para a Editorial Cascaborra.